Жоао Феликс е зимско засилување на Милан. Португалскиот интернационалец во понеделникот пристигна во италијанскиот град, а според пишувањата на странските медиуми тој веќе е пријавен за Серија „А“.
Жоао Феликс е позајмен на „росонерите“ од Челси до крајот на сезоната – но без опција за откуп. Оваа зделка го чинеше Милан 5.500.000 евра, а играчот веќе потпиша договор и ги помина медицинските прегледи.
🔴⚫️🛬 João Félix has just landed in Milano to join AC Milan! @AntoVitiello 🇵🇹pic.twitter.com/HPSQjvnvVQ
— Fabrizio Romano (@FabrizioRomano) February 3, 2025
Португалецот минатото лето потпиша седумгодишен договор со Челси кој на Атлетико Мадрид му плати 52 милиони евра, но не успеа да се наметне во Лондон. Оваа сезона тој забележа седум гола и две асистенции на 20 натпревари, но помина повеќе време играјќи во други натпреварувања отколку во Премиер лигата.
📽️ @LucaManinetti: Joao Felix, Warren Bondo and Riccardo Sottil Take their medical exam at the same timepic.twitter.com/pvysegPyWf
— Milan Posts (@MilanPosts) February 4, 2025
Феликс пристигнува на „Сан Сиро“ за да го замени Ноа Окафор, кој беше позајмен во Наполи со опција за откуп за 23 милиони евра.
Беше многу напорен ден за Милан, кој ги најави доаѓањата на Сантијаго Хименез, Рикардо Сотиљо и Ворен Бонд.