Во детонации на експлозивни направи во Лвов, на западот од Украина, една полицајка загина, а 24 лица се повредени, соопшти денеска тамошната полиција.
„Прелиминарно, беше утврдено дека експлозивните направи биле рачно изработени“, соопшти полицијата на „Телеграм“, пренесува Ројтерс.
Објавено е дека првата експлозија се случила кога патролата пристигнала во продавница каде што се случила кражба, а втората малку подоцна.
Several powerful explosions have rocked Lviv, and they were heard in different parts of the city. There was no air raid alert declared in the area, according to the Unian news agency. pic.twitter.com/aCnqcfvMPd
— Hromadske Int. (@Hromadske) February 21, 2026
Градоначалникот на Лвов, Андриј Садовиј, го нарече инцидентот терористички чин.
Убиената вработена е идентификувана како 23-годишната Викторија Шпилка. Таа е родена во Волинската област, а подоцна се преселила со родителите во Херсонската област.
Викторија дипломирала на Државниот универзитет за внатрешни работи во Лавов и се приклучила на патролната полиција, прво служејќи во Херсонската област, а од 2023 година во Лавовската област. Лани наесен се омажила, а нејзиниот сопруг е исто така патролен службеник.