Ешли Греам, икона на „плус-сајз“ манекенството и застапничка на движењето „позитивно за телото“, блесна на пистата на Викторија Сикрет, рушејќи ги предрасудите и редефинирајќи ги стандардите за убавина.
Нејзиниот настап во чипкано црно боди и крилја украсени со цвеќиња го привлекоа светското внимание и покажаа дека убавината ја има во сите големини.
Греам, која долго време се бореше за вклучување во модната индустрија, влезе во историјата како еден од првите плус-сајз модели кои прошетаа по познатата писта.
Првиот официјален модел со плус големина што работеше со брендот беше Али Тејт Катлер во 2019 година, кога брендот најави соработка со Bluebella и ја прошири својата палета за да вклучи различни форми на телото.
Ешли Греам, како икона на „боди-позитив“ движењето, често беше гласен критичар на „Викторија Сикрет“ поради нивниот неинклузивен пристап. Нејзиното појавување на модната ревија е голем чекор напред за брендот, кој очигледно се обидува да го прилагоди и модернизира имиџот.
@enews #AshleyGraham is ✨that girl.✨ #VSFashionShow ♬ original sound – E! News
Многумина го поздравија тој чекор, иако Ешли беше единствената манекенка која „излезе од кутијата“ на „традиционалниот“ модел на „Викторија Сикрет“.
Но, не се сите жени Адраина Лима, бидејќи има многу кои се поблиски со Ешли Греам.
Таа докажа дека нејзиното место во светот на модата не го одредува бројката на вагата, туку самодовербата и автентичноста што ги носи на пистата.