Ешли Греам беше меѓу многуте познати гости на синоќешната ревија на „Муглер“ на модната недела во Париз.
Популарната манекенка предизвикува спротивставени мислења, па така за едни е пример за самодоверба, убавина и сексапил, додека други ја оспоруваат, сметајќи дека е спорна нејзината тежина од 95 килограми.
Колку и да се поделени мислењата, факт е дека Ешли Греам, која синоќа присуствуваше на ревијата на „Муглер“ на модната недела во Париз, ги помести границите и постигна огромен успех во светот на модата.
Кодексот на облекување на овој настан беше црна боја, и на пистата и во публиката.
Ешли Греам остана верна на себе кога е во прашање нејзиниот стил на облекување, носејќи го, како и секогаш, она што ѝ се допаѓа, без притисок да ги „прикрие несовршеностите“.
Најпопуларната плус сајз манекенка за оваа церемонија избра ѕвонасти панталони со чипка на дното, кои ги искомбинирала со корсет-фустан.
Го поддржува трендот на екстремни деколтеа кои ги следат Селена Гомез и Ким Кардашијан, а ова е можеби дури и најекстремната верзија на тој тренд.
Корсетот ги истакна облините на Ешли Греам, а таа гордо ја носеше оваа смела облека.