Шпанскиот репрезентативец Ламин Јамал моментално е најдобриот млад фудбалер на светот, а многу брзо тој епитет би можел да го преземе Бразилецот, Естевао Вилијан.
Станува збор за момче кое израсна во младинската школа на Крузеиро, од каде во 2021 година премина во Палмеирас, во чии редови одигра блескави партии оваа сезона. Толку светол што стана првиот играч на 17 години чиј вкупен број на голови и асистенции беше поголем од 20 (12+10).
Правата на неговиот договор ги поседува лондонски Челси, кој ќе го доведе на „Стемфорд Бриџ“ во летото следната година, а легендарниот Бразилец Роналдо смета дека станува збор за момче кое ќе одбележи епоха во светскиот фудбал.
🚨🗣️ Spoke with Ronaldo Nazário on Estêvão Willian. "He's a young player and very talented. He's kind of like Lamine Yamal. He will soon be a very big star in football. He's very promising, and at just 17. I think he'll play for Palmeiras at the Club World Cup then join Chelsea." pic.twitter.com/7EqATGcvIS
— Ben Jacobs (@JacobsBen) December 5, 2024
„Вилијан е многу млад и многу талентиран. Тој е како Ламин Јамал и многу наскоро ќе стане многу важен во светот на фудбалот. Сакам да игра за Палмеирас на Светското клупско првенство следната година, а потоа ќе се пресели во Англија каде треба да ја подобри својата игра“, изјави Бразилецот.
Колку е талентиран и квалитетен идниот член на лондонските „сини“ говори и податокот дека тој веќе добил покана за настап за најсилниот тим во Бразил.