Познатиот шведски актер и холивудски моќник Долф Лундгрен (67) се огласи на Инстаграм и откри дека неговата битка со ракот е завршена.
Се сликаше од болничкиот кревет и рече: „Во ред, тука сум. Ќе влезам и ќе се ослободам од последниот мртов тумор. Без повеќе клетки на рак во моето тело, претпоставувам дека ќе бидам ослободен од рак и со нетрпение ја очекувам оваа процедура, правам аблација на белите дробови.
Благодарен сум и возбуден за сè што доаѓа. Ви благодарам на сите за поддршката. Тоа беше тешко патување и навистина ме научи да живеам во моментот и да уживам во секој момент од мојот живот“, додаде тој.
Долф им ја откри својата дијагноза на обожавателите во мај. Тогаш соопшти дека првиот тумор бил пронајден во неговиот бубрег пред осум години и потоа успешно бил отстранет. Меѓутоа, во 2020 година, ракот се проширил на неговите бели дробови, ‘рбетот, црниот дроб и стомакот.
Прогнозата не била добра, а еден лекар му рекол на Долф дека му остануваат само уште две до три години живот.
„Го прашав колку ми останува, мислам дека рече две или три години, но по гласот можев да забележам дека е помалку. Мислев дека мора да е тоа. Имав е*ано одличен живот. Живеев пет животи еднаш, така што не бев огорчен поради тоа“, рече Лундгрен еднаш.
Потоа побарал дополнително мислење од онколог во медицинскиот центар UCLA. Понатамошните третмани биле ефективни и актерот сега целосно закрепнал.