Секретарката за образование на САД, Линда Мекмахон, ја изговара кратенката А1“ кога се мисли на вештачката интелигенција „АI“. На едукативен самит организиран од инвеститори од Силиконската долина, 76-годишничката постојано погрешно ја изговарала кратенката „AI“ како „A1“.
Нејзиниот говор остава впечаток дека таа не знае да ја изговори една од најраспространетите кратенки во современото општество.
„Постои училишен систем, не знам точно каде во моментов, но кој ќе обезбеди отсега на учениците да им се предава А1 секоја година од прво одделение или дури и од предучилишни програми“, изјавила Мекмахон пред присутните.
„Децата се како сунѓери, апсорбираат сè. Не беше толку одамна кога го воведовме Интернетот во училиштата. Сега да видиме што може да направи А1 за индивидуална настава“, додала министерката.
Secretary of Education Linda McMahon accidentally says ‘A1’ instead of ‘AI’ pic.twitter.com/o6eMUBMJST
— FactPost (@factpostnews) April 9, 2025
Да потсетиме дека Интернетот беше воведен во американските државни училишта во средината на 1990-тите, пред речиси 30 години.
Мекмахон нема образование или искуство во областа на образовната политика. Најпозната е по основањето на организацијата која подоцна стана WWE (World Wrestling Entertainment) со нејзиниот сопруг Винс Мекмахон. Во првиот мандат на Доналд Трамп, таа беше директорка на Администрацијата за мали бизниси (SBA).