Демонстрантите предводени од иницијативата „Студенти во блокада“ ги демолираа просториите на Српската напредна странка во Нови Сад вечерва, откако претходно се собраа пред објектот на Безбедносно-информативната агенција (БИА) во градот.
Демонстрантите извикуваа слогани против српскиот претседател Александар Вучиќ и СНС и фрлаа камења кон просториите, пред кои вчера имаше големи инциденти, откако приврзаници на таа партија фрлаа пиротехника кон луѓето кои протестираа.
21.14h preuredili sns prostorije …. pic.twitter.com/BfNHvK445E
— zarko bogosavljevic (@zarkobns) August 14, 2025
Вечерва пред просториите на СНС немаше симпатизери и членови на таа партија ниту припадници на полицијата.
21.20h nema vise sns prostorija na bulevaru … potpuno su demolirane . pic.twitter.com/2GZ760TlMg
— zarko bogosavljevic (@zarkobns) August 14, 2025
Центарот на Нови Сад останува целосно блокиран за сообраќај.
Во Белград припадници на жандармеријата стоеја меѓу учесниците на протестот и просториите на СНС лоцирани во центарот на градот. Во еден момент беше фрлен солзавец. Се појавија и припадници на СНС, некои со стапови во рацете.
Batinaši sa štanglama u Kneza Miloša spremni da tuku našu decu! pic.twitter.com/OvxDN6Ov88
— Zeleno-levi front (@nedavimobgd) August 14, 2025
И таму демонстрантите скандираат пароли против српскиот претседател Александар Вучиќ и полицијата.
Стотици студенти и граѓани го блокираа сообраќајот помеѓу зградите на српската влада и поранешниот Генералштаб, како дел од протестот „Вечерва пукате по шевовите“.
Таму вечерва од, како што вели неговата Партија на слободата и правдата (ССП), со шипка по глава е удрен нивниот пратеник Пеѓа Митровиќ.
Протести има и во над 20-на градови низ Србија.
Засега нема потврда од Кабинетот за инфомацијата на српски медиуми дека српскиот претседател Александар Вучиќ околу полноќ ќе има вонредно обраќање до нацијата по неколкудневните протести.