Говорот на Грета Тунберг на големиот климатски протест во неделата бил прекинат од маж кој упаднал на бината. Тој рекол дека „дошол овде поради климатски демонстрации, а не за политички ставови“ додека се обидувал да ѝ го одземе микрофонот на Грета Тунберг.
Непосредно пред спорниот инцидент, толпата извикуваше слогани од типот „Палестина ќе биде слободна“. За време на собирот, организаторите го прекинаа говорот на активистката поради употребата на изразот „Од река до море, Палестина ќе биде слободна“, пренесува новинската агенција „Ројтерс“.
No climate justice on occupied land,”
chants Greta Thunberg alongside the crowd at a “climate demonstration”. pic.twitter.com/Ez5zdrz4di
— Visegrád 24 (@visegrad24) November 12, 2023
Многу еврејски организации тврдат дека употребата на овој слоган на протестите ширум светот подразбира повик за уништување на Израел. Од друга страна, пропалестинските активисти тврдат дека повеќето луѓе кои го користат тој слоган всушност се залагаат за крај на израелската окупација на Западниот Брег и блокадата на Газа, а не за укинување на самата држава Израел.
Откако мажот бил отстранет од бината, Тунберг се придружила на толпата во скандирањата: „Нема климатска правда во окупирана земја“.
Минатиот месец, шведската активистка за климата беше на удар на критики откако сподели пораки за поддршка за Палестина на социјалните мрежи, при што некои ја обвинија дека не покажала поддршка за жртвите од нападите на Хамас врз Израел.