Полицијата соопшти дека четири лица се повредени во пукање во продавница на „Волмарт“ во американската сојузна држава Охајо, а напаѓачот се самоубил.
Полицијата соопшти дека нападот се случил во понеделникот и дека сите повредени се пренесени во болница, пренесе АП. Засега не е позната нивната состојба.
Како што се наведува, исто така не е познат мотивот за нападот.
Телевизијата WHIO објави дека најмалку едно лице е убиено, а три други се повредени во пукање во продавница на „Волмарт“ во Биверкрик, Охајо.
Updated News
At least one person was killed and three people were injured in a shooting at a Walmart store in Beavercreek, Ohio, WHIO
Witnesses told media a man opened fire with an assault rifle.#Ohio #Walmart #Shooting #Firing #shooter #CrimeNews #beavercreek #ohio… pic.twitter.com/kQYmVBFI0R— Chaudhary Parvez (@ChaudharyParvez) November 21, 2023
Очевидци изјавија дека маж отворил оган со автоматска пушка.
Полицијата во Биверкрик соопшти дека одговорила на пукањето и дека повеќе нема закана за безбедноста, објави „Ројтерс“.
Биверкрик е град со околу 46.000 жители сместен источно од Дејтон.