Хамас во неделата објави видео на кое се гледаат тројца израелски заложници кои ги држат во Газа и ја повика израелската влада да ја прекине офанзивата против палестинската милитантна исламистичка група и да доведе до нивно ослободување.
Во видеото, кое трае 37 секунди, без датум, се прикажани Ное Аргамани (26), Јоси Шараби (53) и Итаи Свирски (38) и истото завршува со натписот: „Утре (понеделник) ќе ве информираме за нивната судбина. Вашата влада лаже“.
BREAKING: MAJOR NEW HAMAS VIDEO ABOUT ISRAELI HOSTAGES
“Wait for us .. tomorrow we will tell you their fate.
Your government is lying.” pic.twitter.com/9UC7P6BUdX
— Sulaiman Ahmed (@ShaykhSulaiman) January 14, 2024
Од околу 240 луѓе заробени од Хамас, речиси половина беа ослободени во ноемврискиот прекин на огнот. Израел вели дека 132 останале во Газа, а 25 умреле во заробеништво.
Министерството за здравство на Газа соопшти дека најмалку 24.000 луѓе биле убиени во израелската офанзива која уследи, а повеќе од 60.000 биле ранети.