Украинскиот претседател Володимир Зеленски го опцу рускиот лидер Владимир Путин за време на гостувањето во Meet the Press на американскиот телевизиски канал NBC News. Тој изјавил дека Украинците не се подготвени да ја предадат својата слобода на „е**ниот терорист“ Владимир Путин.
„Имам многу сила, но дури и ако се чувствувам силен и имам многу енергија, тоа не значи дека сакаме да се бориме цел живот бидејќи цената е висока, како што реков. Затоа што војната го зема најдоброто од нас, најголемите херои, најдобрите мажи, жени, деца. Тоа е тоа. Но не сме подготвени да му ја предадеме својата слобода на овој е**ен терорист Путин. Тоа е тоа. Затоа се бориме“, рече тој.
President Zelensky calls out “fucking terrorist” Putin! 💪🤜🫶❤️🇺🇦🖕🏼🇷🇺 pic.twitter.com/JxEgOsY7u5
— Matt Girvin 🇨🇦🇺🇦🇺🇸 (@GirvinMatt) November 6, 2023
Не е сигурен дали Трамп ќе ги поддржи
Зеленски, исто така, го покани Доналд Трамп да ја посети Украина, откако поранешниот американски претседател вети дека може да ја заврши војната меѓу Русија и Украина во рок од 24 часа, доколку биде реизбран на изборите следната година.
„Поранешниот претседател Трамп рече дека за 24 часа може да го реши ова и да стави крај на војната, така што и тој е добредојден. Претседателот Бајден беше тука и мислам дека разбра некои детали што можете да ги разберете само ако сте тука“, посочи тој.
„Ако може да дојде овде, ќе ми требаат 24 минути – да, 24 минути. Не повеќе – 24 минути за да му објаснам на Трамп дека не може да управува со оваа војна во таа временска рамка. Тој не може да донесе мир поради Путин“, продолжи Зеленски и додаде дека не е сигурен дали Трамп ќе ја поддржи Украина доколку биде реизбран.