Украинскиот претседател Володимир Зеленски предупреди дека четири земји би можеле да бидат изложени на ризик доколку Украина падне.
Во видеото објавено од советникот на министерот за внатрешни работи на Украина, Антон Герашченко, Зеленски рече дека четири балтички земји би можеле да бидат следната цел на рускиот претседател Владимир Путин.
„Следни би можеле да бидат Литванија, Летонија, Естонија, Молдавија. И тоа е сигурно ако не издржиме“, навел украинскиот претседател.
"Lithuania, Latvia, Estonia, Moldova may be next. And it is certain if we do not withstand. We have heard recently that they have started talking about Finland, they have started talking about the independence of Uzbekistan, and so on. He [Putin] will not finish this until we… pic.twitter.com/dQbqihEsbv
— Anton Gerashchenko (@Gerashchenko_en) January 10, 2024
Зеленски вчера ненадејно отпатува за Литванија, а во наредните денови треба да ги посети Летонија и Естонија. Во Литванија тој се заблагодари за ново одобрениот пакет помош за Украина и потсети дека Русија веќе се закани на некои земји во последните неколку месеци.
„Неодамна слушнавме дека почнаа да зборуваат за Финска, почнаа да зборуваат за независноста на Узбекистан и така натаму. Путин нема да застане додека колективно не го спречиме“, наведе Зеленски.
Путин ѝ се закани на Финска дека ќе има проблеми доколку влезе во НАТО, а по Финска во НАТО треба да влезе и Шведска, која исто така неодамна ги предупреди своите граѓани за зголемен ризик од војна.