Потврдени се најмалку 16 смртни случаи како последица на ураганот Милтон, кој остави повеќе од два милиони луѓе без струја и принуди над еден и пол милиони да се евакуираат. Области како Нејплс, Форт Маерс и Тампа се меѓу најпогодените, со поплави и значителен пораст на нивото на морето. Иако ураганот не предизвика катастрофален бран на поплави на Флорида, операцијата за чистење ќе трае од неколку недели до неколку месеци.
Drone video captures devastation from Hurricane Milton in Grove City and Manasota Key, Florida. pic.twitter.com/Wu8i1FlaOF
— AccuWeather (@accuweather) October 10, 2024
Милтон, петтиот најсилен атлантски ураган во историјата, може да предизвика штети кои само на осигурителните компании би можеле да им чинат до 100 милијарди долари, според аналитичарите.
Белата куќа вети поддршка од федералната влада додека се проценуваат целосните размери на штетите. Сепак, поранешниот претседател Доналд Трамп ги обвини демократските политичари за недостаток на соодветни мерки за обнова, посебно за Северна Каролина, која исто така беше тешко погодена од претходниот ураган, Хелена. Неговата противкандидатка Камала Харис го обвини за политичка манипулација, додавајќи дека „играње политички игри“ не е одговор на кризата.
Претседателот Бајден изјави дека Сојузната агенција за управување со вонредни ситуации бара дополнителни средства од Конгресот. Гувернерот на Флорида, Рон Десантис, предупреди дека, и покрај тоа што државата избегнала „најлошото сценарио“, штетите се значителни.