30
Најмалку шест лица се повредени во пожар кој утрово избувнал во зграда во скопската населба Чаир. Тие, според досегашните информации се пренесени на скопските клиники.
Екипите на противпожарната бригада веднаш излегле на терен, а биле евакуирани околу 100 лица. Во пожарот била зафатена продавница и магацински простор на Хомакс.
Евакуацијата се уште е во тек а поради густиот чад оневозможено е станарите да бидат евакуирани од влезната врата на зградата. Од таа причина станарите се евакуираат од балконите и покривот на зградата со помош на високи пожарникарски скали.
Во текот на денот се очекуваат повеќе детали.