Страшна бура проследена со силен град го погоди Париз и повеќе региони низ Франција во саботата, предизвикувајќи големи материјални штети и предизвикувајќи хаос во сообраќајот. По неколку невообичаено топли денови, над земјата навлезе студен бран кој донесе обилни врнежи од дожд, силни ветрови и град со големина на ореви, а на места дури и со големина на топчиња за голф. Невремето траеше повеќе од 15 минути, а силата најсилно се почувствува во француската престолнина.
A sudden hailstorm causes flash flooding and chaos in Paris, leading to metro closures and flight suspensions. ❄️🌧️ pic.twitter.com/YtGBK2Ggyf
— AccuWeather (@accuweather) May 3, 2025
Сцените од Париз личеа на снежна покривка во сред мај, додека улиците беа целосно прекриени со мраз од градот. На социјалните мрежи се појавија бројни снимки и фотографии што го документираат невидениот метеоролошки настан. Многу возила беа оштетени, некои од нив изгледаа како да биле погодени со чекан, а граѓаните во паника трчаа низ улиците обидувајќи се да најдат засолниште и да се заштитат од силниот град.
Силниот дожд предизвика поплави на повеќе улици, а водата навлезе и во подрумите на неколку згради. Вообичаено за вакви услови во Париз, неколку метро станици беа поплавени, што доведе до привремено прекинување на сообраќајот на повеќе линии. Француските власти апелираа до граѓаните да бидат внимателни и да избегнуваат движење низ критичните подрачја додека се санираат последиците од невремето.
📸 Scène incroyable à #Paris, en trois minutes une très forte averse de grêlons à recouvert les rues, surprenant les passants, cyclistes et automobilistes ! @le_Parisien pic.twitter.com/FsGOL5ueHb
— Paul Abran (@abran_paul) May 3, 2025
Orage de grêle avec des grêlons gros comme des balles de golf à Paris. Jamais vu ça de ma vie. #Orage #Paris pic.twitter.com/IuWL2abgz4
— Jean Dini (@jeandini_) May 3, 2025