18-годишниот француски стопер, Лени Јоро пред десет дена потпиша договор со Манчестер Јунајтед. Јоро пристигна во Јунајтед од францускиот прволигаш Лил, и потпиша петгодишен договор. Се шпекулира дека вредноста на трансферот е околу 60 милиони евра со вклучени бонуси. Но, работите тргнаа лошо за младиот Французин во САД.
Таму Јунајтед загуби со 2:1 на подготовките, а Јоро го напушти теренот во 33. минута поради повреда кога Јунајтед водеше со 1:0. Во еден момент застана и побарал помош од докторот и рече дека не може да продолжи. Левата нога му беше повредена, а се уште не е познато колку време ќе отсуствува.
Bro experienced 32 mins of Gabriel Jesus and said I’m out of here 🤣 pic.twitter.com/8VaGdYIaw3
— Le African Gooner (@leafricangooner) July 28, 2024
„Мора да чекаме повеќе од 24 часа. Потоа се надеваме дека ќе знаеме повеќе. Бевме многу внимателни, особено со Јоро. Тој одработи само 50 проценти од тренингот и многу е разочарувачки што мораше да излезе поради повреда. Ајде да бидеме позитивни и ќе видиме што ќе биде“, изјави тренерот на Јунајтед, Ерик тен Хаг.
Јунајтед поведе со голот на Расмус Хојлунд во десеттата минута. Габриел Жесус израмни на 1:1 во 26. минута, а Габриел Мартинели во 81. минута ги постигна конечните 2:1 за Арсенал.
Јоро го одигра својот прв натпревар за Јунајтед пред осум дена во победата од 2-0 над Ренџерс во пријателски натпревар. Јоро одигра 44 натпревари во сите натпреварувања и со Лил го освои четвртото место во францускиот шампионат. Тој постигна и три гола. Досега нема дебитирано за А репрезентацијата на Франција, но настапува за нејзините помлади селекции и има 13 настапи.