РегионСлајдер

🎥 Засилување за Пикачу: Новите снимки од протестите во Турција стануваат хит, а еве кој му се придружува

од Марта Пешевска
131 прегледи

Среде чад, водени топови и хаос од масовни протести во Турција, на улиците на Анталија се појави необичен жолт блесок. Не стануваше збор за протестен транспарент или факел – тоа беше Пикачу.

Демонстрант во Турција, облечен во костим на популарниот Покемон од детството, беше виден како трча по улиците во четвртокот, 27 март 2025 година. Вешто избегнуваше полицијата која се судиреше со протестирачите за време на протестите против апсењето на градоначалникот на Истанбул, Екрем Имамоглу. Снимката од Пикачу како бегал со демонстрантите стана вирална на социјалните мрежи. Во меѓувреме, нови снимки се појавија – и изгледа дека Пикачу добива засилување, а тимот кој го следи е “силен”.

Други “херои” излегоа на улиците, поддржувајќи го познатиот Покемон, но и себеси сакајќи да го добијат својот момент на слава. Група која вклучуваше Дедо Мраз, жаба, кокошка, пингвин и зајак, се упатила кон протестите, минувајќи низ рампите во областа Алачати во Измир, и корисниците на Х беа воодушевени од нивниот изглед.

Илјадници луѓе протестираа по апсењето на градоначалникот Екрем Имамоглу, клучниот ривал на турскиот претседател Реџеп Таип Ердоган, по обвиненија за корупција. Поддржувачите на Имамоглу велат дека апсењето е политички мотивирано и го обвинуваат владата дека го користи судството за елиминација на опозицијата пред изборите во 2028 година.

Владата тврди дека судовите дејствуваат независно, но критичарите велат дека случајот се потпира на слаби докази и анонимни сведоштва, јавува Асошиетед прес.

Додека демонстрациите се шират низ Турција, безбедносните сили во Анкара, Истанбул и Анталија беа неуспешни. Полицијата за борба против нереди пукаше со водени топови, бибер спреј и пластични пелети за да ја растера толпата.

Доцна во четвртокот, пријателот на адвокатот на г-дин Имамоглу, Мехмет Пехливан, беше приведен поради неоткриени обвиненија. Градоначалникот упати жесток одговор на Х, нарекувајќи го тоа “легален удар”.

„Злото кое го нанесуваат неспособните луѓе на нашата земја расте. Веднаш ослободете го мојот адвокат“, напиша Имамоглу.