Несекојдневни сцени биле забележани на аеродромот Арланда во Стокхолм додека патниците на авион на компанијата Рајанер биле евакуирани со тобоган од авионот откако кабината се наполнила со чад.
На снимката се гледа како патниците, кои требало да се упатат кон Краков, ги облекле палтата и почнале да го напуштаат авионот со помош на тобоганот за евакуација на авионот.
2021 built Buzz Boeing 737 MAX 8 aircraft (SP-RZG) was evacuated at Stockholm Arlanda Airport (ARN), as the aircraft had a cabin smoke situation before flight commencement to Krakow via FR4626. pic.twitter.com/DAyZmLqU6J
— FL360aero (@fl360aero) December 10, 2023
Драмата се одвивала утрово додека преполниот Боинг 737 се подготвувал за полетување.
Инцидентот предизвикал реакција на итните служби. Од Рајанер се извиниле за доцнењето и потврдиле дека резервен авион бил пренасочен во Арланда за да ги однесе патниците до нивната дестинација во Краков.
„Авион во Арланда утрово пријави чад во кабината. Како мерка на претпазливост, патниците се евакуирани и вратени на терминалот. Инженерите го проверуваат авионот и резервно летало е префрлено во Арланда за да го изврши овој лет до Краков со проценето време на полетување во 14 часот по локално време“, соопштил портпаролот на Рајанер.