Украинскиот претседател Володимир Зеленски изјави во четвртокот дека Украина е подготвена да работи брзо за да постигне силен договор за инвестиции и безбедност со Соединетите Американски Држави, велејќи дека средбата со американскиот претставник Кит Келог „ја враќа надежта“ за успех.
„Генерал Келог, средба која ја враќа надежта. Потребни ни се цврсти договори кои всушност ќе функционираат. Дадов инструкции да се работи брзо и на многу, многу еднаков начин. Важни се деталите од договорот. „Колку подобро се разработуваат деталите, толку е подобар резултатот“, рекол Зеленски во своето полноќно видео обраќање, пренесува „Јутарњи лист“.
Средбата со Келог се одржа еден ден откако Зеленски и американскиот претседател Доналд Трамп разменија остри зборови и во време кога почнаа американско-руските преговори за ставање крај на тригодишната војна во Украина. Украина не беше поканета на преговорите.
A day of intense international work. My meeting with General Kellogg was one that restores hope, and we need strong agreements with the U.S.—agreements that will truly work. I have instructed my team to work quickly and very sensibly.
Economy and security must always go hand in… pic.twitter.com/N5k2bu13qk
— Volodymyr Zelenskyy / Володимир Зеленський (@ZelenskyyUa) February 20, 2025
По средбата со Келог, Зеленски на социјалната медиумска платформа „Х“ рече дека Украина мора „да се погрижи мирот да биде цврст и траен – за Русија никогаш да не може да се врати со војна“.
„Украина е подготвена за силен, ефективен договор за инвестиции и безбедност со американскиот претседател. Ние го предложивме најбрзиот и најконструктивниот начин за постигнување резултати. Нашиот тим е подготвен да работи 24/7“, изјави тој.
Разговорите со Келог следеа по отфрлањето на Украина на првичниот предлог на САД за извоз на украински метали од ретки земји. Во својот коментар на „X“, Зеленски исто така рече дека неговиот разговор со Келог се фокусирал на ситуацијата на бојното поле, безбедносните гаранции што Украина ги бара и враќањето на воените заробеници.
„Важно е за нас – и за целиот слободен свет – да се почувствува американската сила“, напиша тој.