Русија изврши „масовен“ напад со беспилотни летала врз украинската престолнина, информира градоначалникот на Киев, Виталиј Кличко. Во Одеса, погодено е и породилиште.
Според гувернерот Олег Кипер, нападот со беспилотни летала во Одеса погодил медицински установи и станбени згради, при што загинал 59-годишен маж, а четворица други биле повредени. Тој го објавил ова на Телеграм, наведува Би-Би-Си.
Во Киев, службите за итни случаи биле повикани во четири општини кратко по полноќ во вторник, изјави Кличко, исто така преку Телеграм. Четири лица се повредени во главниот украински град.
Kyiv is on fire. The sky is filled with black smoke and the explosions do not stop!
One of the largest attacks on the capital.
1/4 pic.twitter.com/sJI1PR2e2P
— 𝐀𝐧𝐧𝐚 𝐊𝐎𝐌𝐒𝐀 | 🇪🇺🇫🇷🇵🇱🇺🇦 (@tweet4Anna_NAFO) June 10, 2025
Најновите напади се случија откако Русија го изврши најголемиот напад со беспилотни летала врз Украина еден ден претходно. Москва тврдеше дека тоа е одмазда за неодамнешните украински напади на руска територија.
Kyiv this morning after Russia’s all night missle and drone attack.
pic.twitter.com/6wJHrCE6xa— Jay in Kyiv (@JayinKyiv) June 10, 2025
Украинскиот претседател Володимир Зеленски денес изјави дека Русија започнала еден од најголемите воздушни напади врз Киев во текот на ноќта, користејќи 315 беспилотни летала и седум ракети во напади што погодија и други делови од земјата.
„Руските ракетни и шахидски напади ги задушуваат напорите на Соединетите Американски Држави и другите ширум светот да ја принудат Русија да склучи мир“, напиша Зеленски на мрежата X.
Според воздухопловните сили на вооружените сили на Украина, воздушната одбрана неутрализирала 284 од 322 руски средства за воздушни напади.
Morning in Kyiv…
Shattered apartments, mangled cars, displaced families, lives torn apart.
This is the brutal reality of having Russia as a neighbor. pic.twitter.com/RO5q3F8WgM
— Natalka (@NatalkaKyiv) June 10, 2025