Израелскиот премиер Бенјамин Нетанјаху во видео објавено на мрежата „X“ изјави дека „иранските лидери се подготвуваат за бегство“, но не даде дополнителни информации за наводното бегство.
Нетанјаху објави видео од повеќе од три минути на својот профил на мрежата „X“ во кое му честиташе на Доналд Трамп среќен роденден и зборуваше за причините зошто Израел го нападна Иран. Фактот дека „Биби“ го сподели видеото на англиски јазик е индикативен, што значи дека веста првенствено била наменета за меѓународна публика и Американци, уште повеќе затоа што тој експлицитно нагласи во својата изјава дека операцијата има „јасна поддршка од Доналд Трамп“.
Видеото започнува со честитка до првиот човек на САД кого го нарекува „извонреден лидер“, проследена со комплименти како што се храбар, решителен…
„Среќен роденден, претседателе Трамп. Вие бевте извонреден лидер – решителен, храбар, со јасна визија и конкретна акција. Направивте големи работи за Израел“, рече тој.
Israel is defending freedom in the Middle East and beyond.
We’re doing so against a tyrannical and radical Iranian regime that wants to build atomic bombs to destroy us and wants to build ballistic missiles, including intercontinental ballistic missiles, to be able to threaten… pic.twitter.com/f7lLOrsP0M
— Benjamin Netanyahu – בנימין נתניהו (@netanyahu) June 14, 2025
Следи честитка до американската војска, а само една минута откако почна да зборува, премиерот на Израел се префрла на темата за напад врз Иран. Како што рече, Израел денес „ја брани слободата“.
Кон крајот на видеото, Нетанјаху тврди дека иранскиот режим ги пакува своите куфери.
„Можам да ви кажам следново: Имаме индикации дека високи ирански функционери веќе ги пакуваат своите куфери. Тие можат да почувствуваат што доаѓа“, рече тој.
„Ќе ви кажам што ќе се случеше ако не реагиравме на начинот на кој реагиравме. Овој бескрупулозен режим ќе имаше нуклеарно оружје во рацете за само неколку недели и ќе го споделеше со своите посредници низ целиот Блиски Исток. Ќе бевме сведоци на нуклеарен тероризам на стероиди! Го спречивме, за мир во целиот свет“, кажа израелскиот премиер.