Состојбата во земјите од Централна и Источна Европа погодени од поплави се уште е опасна, додека вкупниот број на жртви досега достигна 18.
И додека службите за итни случаи даваат се од себе за да им помогнат на настраданите од поплавите, некои си ја отежнуваат работата со непромислени постапки. Имено, последниве денови на социјалните мрежи се појавија видеа на кои се гледа како несовесните граѓани буквално си играат со животот, пишува Дневник.хр.
Дел од Чешка моментално се соочува со страшните последици од разорните поплави. За жал, некои зависници од адреналин ја потценуваат сериозноста на целата ситуација. Веслачите по надојдените реки, сурферите или луѓето кои се капат за време на поплави предизвикуваат непотребни опасности и им даваат дополнителна работа на спасувачките служби кои се потребни на други места, пишува порталот Блеск.
Otrokovice…..neuveritelne‼️ pic.twitter.com/2N3F9HbRZX
— Robert Hamrla (@HamrlaRobert) September 15, 2024
Така, еден човек од Отроковице скокнал од мостот во надојдената река Джевница, а потоа допливал кон брегот. Чешките медиуми пишуваат дека имал голема среќа бидејќи така излеана река може лесно да понесе дури и искусен пливач, кој многу брзо може да ја изгуби контролата над ситуацијата. Покрај тоа, често има невидливи пречки во надојдената река, како што се камења или кал. Тие можат да предизвикаат сериозни повреди.
Но, на крајот очигледно му проработила совеста на човекот, па се предал како резултат на полициската потрага.
@forrestkralTop počasí 14.9. ♬ Pursuit Of Happiness – Extended Steve Aoki Remix – Kid Cudi
Имаше и видео од сурфер кој се обидува со раката на брановите на надојдената река.
А поради еден човек во кајак морале да интервенираат пожарникарите во Прага.
Lidé stále riskují. I přes zákaz plavby se prohání v lodích na rozbouřené Vltavě. Celou věc jsme předali k řešení policistům.
Prosíme vás, neriskujte v rozbouřené vodě, případnou záchranou riskujete i životy zasahujících hasičů. pic.twitter.com/X0uhqjmTZ4
— Hasiči Praha 🚒 (@HasiciPraha) September 16, 2024
Граѓаните и официјално се предупредени да не се приближуваат до водотеците, бидејќи за тоа има казна. Пловењето за време на поплави е забрането со закон, а казната може да биде и до 100.000 чешки круни. Нема законска казна за капачите.