На сите им се јасни предностите на електричните автомобили во однос на конвенционалните, како и очигледните недостатоци. Покрај тенденцијата за пожар, голем недостаток е тешкотијата да се изгасне откако ќе избие.
Пожарникарите редовно се борат да го изгаснат пожарот на електричните автомобили. Се применуваат бројни новини, од специјални капаци до специјални материјали за гаснење, но класичната постапка со вода сепак преовладува, наведува Index.
Ако не е можно да се потопи автомобилот во базен со вода, тогаш мора да се напои изобилно и да се излади. И ова може да потрае, што значи дека потрошувачката на вода ќе биде многукратно поголема отколку во случај на гаснење пожар на обичен автомобил. Тоа го потврдува и настанот од овој Божиќ, кога се јавиле пожарникарите од Пајн Левел.
Tesla Model Y настрада во сообраќајна несреќа, кој потоа и се запали. Возачот навреме избегал и се спасил, додека автомобилот и покрај брзото пристигнување на пожарникарите целосно изгорел. Гаснењето на пожарот траело повеќе од еден час, а пожарникарите на крајот искористиле над 135.000 литри вода.
Тоа е најмалку 36 пати повеќе од она што е потребно за да се изгасне пожар на обичен автомобил. На пример, зборуваме за количината на вода што ја троши просечно четиричлено семејство во текот на една година.