Тој вели дека не сака електрични автомобили и сака да ги прекине сите субвенции, но Доналд Трамп среќно го прифатил Tesla Cybertruck што го добил на подарок од 23-годишниот стример Ејдан Рос.
Можеби сега се предомислува за електричните автомобили откако на подарок доби Cybertruck пик-ап. Стримерот Ејдан Рос го интервјуираше претседателскиот кандидат на имотот на Трамп во Мар-а-Лаго. Тој пристигна таму со Tesla Cybertruck, подарок за Доналд Трамп, кој доби и часовник Rolex од стримерот.
Cybertruck е насликан со мотиви од обидот за атентат врз Трамп на 13 јули во Батлер, Пенсилванија, а на хаубата пишува „Make America Great Again“, мотото на политичкото движење на Трамп. Трамп беше импресиониран од Cybertruck кога седна во кабината на возилото.
Директорот и косопственик на Tesla, Илон Маск подоцна го коментираше целиот настан во X со еден збор – „кул“.
Доналд Трамп ја доби поддршката од Маск и покрај тоа што тој во неколку наврати изјави дека е против електричните автомобили.