Главната дирекција за разузнавање на Украина (ГДУ) спроведе специјална операција за целосно онеспособување на клучниот руски нафтовод „Колцевој“ во Московскиот регион. Нафтоводот долг 400 километри транспортирал гориво за руските сили и имал капацитет од 7,4 милиони тони годишно.
Според извештајот на ГДУ, операцијата спроведена на 31 октомври вклучувала координиран напад врз сите три цевководи што транспортирале бензин, дизел и млазно гориво. За време на операцијата, сите три линии експлодирале истовремено, со што објектот моментално е целосно нефункционален.
Нафтоводот добивал гориво од рафинериите во Рјазан, Нижни Новгород и Москва. Неговиот капацитет бил импресивен: 3 милиони тони млазно гориво, 2,8 милиони тони дизел и 1,6 милиони тони бензин годишно. Со оглед на неговата транспортна улога, уништувањето на нафтоводот претставува значаен логистички удар за руските сили, објави „Евромајдан“.
Ukrainian Defense Intelligence has attacked the Koltsevoy oil pipeline in Moscow region on October 31. All three lines of the pipeline used to transport gas, diesel and aviation fuel have simultaneously and successfully exploded.
The length of the main oil product pipeline… pic.twitter.com/57vfygoO5x
— Anton Gerashchenko (@Gerashchenko_en) November 1, 2025