Интер е првиот финалист во Лигата на шампионите по епскиот дуел со Барселона кој понуди сè – 13 гола, драма, продолженија, но и сериозна доза на контроверзии.
Особено се истакна ситуацијата од реваншот на Сан Сиро, кога беше досуден пенал за домашната екипа поради прекршокот на Пауло Кубарси врз Лаутаро Мартинез, по што Хакан Чалханоглу постигна гол од пенал за 2:0.
Еден од најпознатите тренери во историјата на фудбалот, Арсен Венгер, сега директор на ФИФА за глобален развој на фудбалот, не штедеше зборови на критика во врска со одлуката на судијата.
Acá tienen toda la duración de video necesaria para ver que fue penal.
Primera repe, se ve que el defensor le barre la pierna derecha a Lautaro.
Segunda repe, se ve que el defensor no llega a tocar la pelota directamente sino que golpea el pie de Lautaro que golpea la pelota. pic.twitter.com/PslIRr6Jbe— VforValentino (@VdeValentino) May 6, 2025
„Јас сум апсолутно против ваквите пенали. И јас сум целосно против користење на забавено движење. Со вистинска брзина, Кубарси имаше одличен старт и прв стигна до топката“, рече легендарниот поранешен тренер на Арсенал за beIN SPORTS.
Венгер, исто така, го посочи прстот кон Лаутаро Мартинез.
„Видете што прави – се наведнува кон Кубарси. Тој бара пенал бидејќи знае дека нема да стигне до топката, го чувствува присуството и скока. Според мене, судијата донесе погрешна одлука. Кубарси прв ја стигна топката, и тоа е сè што ми е важно. Лаутаро прави сè друго. Не е важно дали има контакт, важно е кој ја игра топката и кој прв ќе стигне до неа. И затоа сум целосно против ваквите пресуди“, заклучи Венгер.