Украинскиот претседател Володимир Зеленски зборуваше на Светскиот економски форум во Давос и испрати неколку прилично директни и впечатливи пораки. Меѓу другото, тој повика на зајакнување на Европа и нагласи дека таа може да биде „глобална сила“.
Покрај тоа, тој тврдеше дека руската нафта треба да се запре за рускиот лидер Владимир Путин да остане без пари. За време на својот говор, тој остро го навреди и унгарскиот премиер Виктор Орбан.
„Секој Виктор кој живее од европски пари и се обидува да ги продаде европските интереси заслужува шлаканица“, нагласи украинскиот лидер.
“Every Viktor who lives off European money while trying to sell out European interests deserves a slap upside the head.” – Zelensky at Davos
Nice trolling. pic.twitter.com/WW0wgBGxMQ
— Maria Drutska 🇺🇦 (@maria_drutska) January 22, 2026
Зборувајќи за Европа, тој забележа: „Не смееме да се спуштаме на секундарни улоги, не кога имаме можност заедно да бидеме голема сила. Кога сме обединети, навистина сме непобедливи. Европа може и мора да биде глобална сила. Не онаа што реагира доцна, туку онаа што ја дефинира иднината“. Европа тогаш би можела, верува Зеленски, да изгради подобар свет и свет без војна.
„Но, за ова, на Европа ѝ е потребна сила. За ова, мора да дејствуваме заедно и на време. И пред сè, мора да имаме храброст да дејствуваме“, вели тој. „Руската нафта мора да биде запрена, запленета и продадена во корист на Европа. Зошто да не? Ако Путин нема пари, нема војна за Европа. Ако Европа има пари, тогаш може да го заштити својот народ“, рече украинскиот лидер.
Фото: Јутјуб/Принтскрин
Унгарскиот премиер Орбан рече дека Зеленски ја преминал границата вчера во Давос. Тој верува дека Зеленски „го насочил својот поглед кон“ него и унгарската влада, со оглед на тоа што се приближуваат изборите во Унгарија.
„Изненадувачки беше што во својот говор ги критикуваше и сите други европски лидери. Тој вели дека поддршката испратена до Украина е недоволна, оружјето е недоволнo, а решителноста на Европа е недоволна. Не мораше долго да чекаме одговор од Брисел. Синоќа, Урсула фон дер Лајен презентираше план за развој на Украина. Во него, Брисел ги прифати сите барања на Украина. 800 милијарди долари за Украина, забрзан пристап кон ЕУ до 2027 година и понатамошна поддршка до 2040 година. Така стојат работите. Претседателот Зеленски сè разбира наопаку, а Брисел едвај чека да плати. И ние ќе имаме збор во тоа. Доаѓа национална петиција преку која можеме да испратиме јасен сигнал до Брисел: нема да плаќаме!“, рече Орбан утрово.