Песна на Тејлор Свифт може да помогне да се спасат животи на луѓе, велат експерти.
Американското здружение за срце ја прогласи песната „You’re Losing Me“ за совршена за изведување на кардиопулмонална реанимација (CPR), техника која спасува живот и е корисна во многу итни ситуации кога нечие срце престанало да работи, пишува CNN.
Има 103 отчукувања во минута, што се смета за вистинско темпо за рестартирање на срцето со компресија на градниот кош. Објавена минатиот месец, песната на 33-годишната поп-ѕвезда дури ја вклучува и репликата: „Не можам да најдам пулс, срцето повеќе нема да ми чука“.
На луѓето кои ќе видат некој кој има потреба од CPR им се препорачува да се јават на Итна помош и да го масираат срцето во ритамот на песната.
Во моментов, „Stayin’ Alive“ на Bee Gees е најпопуларната песна за CPR, но песната на Тејлор Свифт може да стане „новата химна за прва помош“.
Други песни со 103 отчукувања во минута се „S Club Party“ од „S Club 7“ и „Don’t Get Me Wrong“ од „The Pretenders“.
Австралискиот совет за реанимација препорачува и користење на песни со над 100 отчукувања во минута за кардиопулмонална реанимација, пишува „index“.