Од денеска, Земјата е во еколошки долг. Тоа значи дека природните ресурси кои се обновуваат годишно се искористени денес, а човештвото моментално ја користи природата 1,7 пати побрзо отколку што може да се обнови.
Имајќи предвид дека годишните ресурси ги искористивме за само седум месеци, остатокот од годината човештвото живее на неодржливи ресурси, исцрпувајќи ја планетата.
Лани еколошкиот долг беше постигнат ден подоцна, на 2 август. Со овогодинешните ресурси исцрпени на 1 август 2024 година, 2022 и 2018 година се приклучуваат како години со најлоши резултати во последните 55 години.
Равенката за пресметување на деновите на еколошки долг се заснова на податоците на Обединетите нации, со делење на расположливиот биокапацитет со еколошкиот отпечаток на населението; тогаш резултатот се множи со бројот на денови во годината, и така го добиваме моментот кога нашата потрошувачка ја надминува количината на биокапацитетот на Земјата од обновливи извори.
Треба да се напомене дека, на пример, уште во 1971 година, планетата влезе во еколошки долг дури на 25 декември, што значи дека пред пет децении Земјата имаше речиси доволно ресурси за да ги задоволи потребите на цивилизацијата и покрај неодржливото производство, но денес не е ни блиску до тоа.
Начинот на кој е можно да се спречи или забави влегувањето во еколошки долг е преку развој на одржлива економија, енергетска транзиција, како и зголемена работа на заштита на постоечките ресурси.
Земјите од регионот кои во текот на 2024 година први влегоа во еколошки долг се Словенија (25 април) и Босна и Херцеговина (9 мај), Србија и Хрватска (28 мај). Малку подоцна се придружија Црна Гора (30 мај) и Македонија (14 јули), а Албанија ќе се придружи на 23 септември.