За помалку од три недели, американскиот претседател Доналд Трамп издаде четири закани со царини кои вообичаено би ги вознемириле инвеститорите, би ги стресирале извршните директори и би ги натерале економистите да се борат да ги ревидираат своите прогнози за раст.
Наместо тоа, финансиските пазари и менаџерите ги игнорираа најновите предупредувања, насочени кон трговските партнери на Иран, поддржувачите на Гренланд, Канада и Јужна Кореја. За нив, заканите се само зборови за да се добие предност или да се промени нечие однесување – ништо што претседателот всушност би го направил.
Според новата анализа на Bloomberg Economics (BE), не е баш точно дека Трамп секогаш се повлекува, или попознато како TACO (од Trump always chickens out – н.з.). Поточно тој го прави тоа речиси секогаш: Тој спроведува само околу една третина од своите закани. Околу 43% од заканите последователно се повлекуваат – понекогаш од самиот Трамп кој прогласува очигледен успех – или воопшто не стапуваат на сила.
Никол Гортон-Каратели и Крис Кенеди од Bloomberg Economics анализираа 49 закани со царини што ги упати претседателот или трговски истраги што администрацијата ги започна во Вашингтон од изборите во ноември 2024 година до оваа недела (броењето не ја вклучува неговата последна цел, Јужна Кореја). Повеќе од половина од заканите не биле целосно спроведени, откри BE.
Еве преглед на тоа како неговите закани биле спроведени:
Во анализата на сите 49 закани, оние што беа целосно спроведени или под истрага се случија помеѓу февруари и септември.
Месечната анализа, исто така, покажува дека заканите на Трамп се намалуваат кон крајот на годината, бидејќи загриженоста за тоа како тие ќе бидат одразени влијае врз неговиот настап на анкетите.
„Моделот не е совршен“, рекоа Гортон-Каратели и Кенеди во белешката што го придружуваше изданието.
„Севкупно, гледаме дека Трамп ги повлекува најзначајните закани, кои обично се оние што драматично би ги зголемиле ефективните царински стапки на САД или би го загрозиле трговското примирје со Кина“, посочија тие.