Најмалку 16 цивили во Тајланд загинале во оружениот судир меѓу Тајланд и Камбоџа што изби утрово по локално време. Има и еден загинат тајландски војник. Поради нападите, Тајланд реши да ги затвори сите училишта во пограничната зона со Камбоџа. Ќе распоредува војска и во 2 национални парка и во 4 резервати.
Во напад од камбоџанските сили со ракети на една бензинска станица во Тајланд загинале најмалку 6 цивили, а двајца се ранети. Погодена е бензинска пумпа и објекти во местото Бан Фуе.
Според тајландски медиуми, 582 училишта се затворени во провинциите Сурин, Сисакет и Бурирам, откако ракети истрелани од Камбоџа погодиле населени подрачја, при што има загинати цивили. Погодени се и тајландски воени бази.
The Royal Thai Army has provided updates on Cambodia’s attacks targeting civilians within Thai territory. It reported that nine civilians have been killed in Sisaket, Surin, and Ubon Ratchathani, with at least 14 injured as a result of these actions. The affected locations… pic.twitter.com/F31c7PfysO
— Thai Enquirer (@ThaiEnquirer) July 24, 2025
Министерството за надворешни работи, меѓу другото, ја обвини Камбоџа и за поставување мини кои во последниве денови повредиле тајландски војници. Според соопштението, имало напади и на 16 јули и вчера, а нападите утрово, со кои почна големиот оружен судир, траеле цело утро. Притоа била погодена и болница. Тајланд ги симна дипломатските односи со Камбоџа на ниско ниво и го повлече својот амбасадор.
Загриженост за судирот изразија и Кина и Малезија, повикувајќи на мирно решавање на проблемите.Тајланд
и Камбоџа спорат за една погранична област, во која е храмот Преах Вихеар, кој Меѓународниот суд на правдата во 1962 и 2013 година го прогласи за камбоџански, но Тајланд не ја признава таа надлежност.