22
Раководството на Интер Мајами објави фотографии од новиот стадион на клубот кој треба да биде готов во 2026 година. Новиот објект ќе се вика „Miami Freedom Park“ и ќе чини 1 милијарда долари.
Интер моментално своите домашни натпревари ги игра на стадионот Чејс, кој има капацитет од нешто повеќе од 21.000 луѓе. Новиот стадион нема да биде многу поголем и ќе може да прими до 26.000 гледачи.
„После години на исчекување, исклучително е возбудливо да се сподели дека во 2026 година, Интер Мајами ќе се пресели во својот долгогодишен дом, „Miami Freedom Park“.
„Стадионот е кулминација на долгогодишната напорна работа и желба да се создаде визија и трајно наследство за навивачите на Мајами и заедницата од Јужна Флорида“, рече Бекам.