Џенифер Лопез успеа да ги изненади сите во Формула 1 во Џеда со своето појавување во боксот на Ферари пред последниот слободен тренинг за Големата награда на Саудиска Арабија.
55-годишната ѕвезда се сретна со возачите и се сликаше со механичарите, а по квалификациите беше главен изведувач на концертот за публиката на патеката заедно со уште една голема ѕвезда – Ашер.
Скудерија се пофали дека Џеј Ло им била специјална гостинка, а таа се појави на сцената во Формула 1 за прв пат по 2014 година, кога учествуваше на концертот, дел од програмата за ГН на Сингапур.
Thank you for the unforgettable visit! @JLo! 👏 https://t.co/15orpxRMok
— Scuderia Ferrari HP (@ScuderiaFerrari) April 19, 2025
Џенифер Лопез е фан на Формула 1 и вчера можеше да го обиколи боксот, како и да има краток разговор со извршниот директор на шампионатот Стефано Доменикали.
Во 2023 година, Џеј Ло и нејзиниот поранешен сопруг Бен Афлек организираа хуманитарен турнир во покер како дел од Гран при на Лас Вегас, кој привлече сериозен интерес.