Бразилскиот фудбалер Роберто Фирмино, поранешна ѕвезда на Ливерпул, на социјалните мрежи откри дека станал евангелистички свештеник.
Церемонијата се одржа минатата недела во неговиот роден град Масеио во црквата Манах, која ја основа пред три години со неговата сопруга Лариса Переира и пасторите Јаиро Фернандес и Кеила Медеирос.
„Три години црква Мана. Каква незаборавна ноќ… Откако го спознавме Христос, сакаме луѓето да ја знаат таа љубов. Сега имаме друга одговорност: да бидеме пастири“, сподели 32-годишниот центарфор, кој моментално игра за саудискиот клуб Ал-Ахли.
Црквата во Мана има и два храма во Англија, каде Фирмино играше осум сезони, од 2015 до 2023 година, во Ливерпул. Во својот врв, тој формираше напаѓачко трио со Египќанецот Мохамед Салах и Сенегалецот Садио Мане, со кои ја освои Лигата на шампионите во 2019 година.
За репрезентацијата на Бразил постигна 17 гола на 55 натпревари. Тој учествуваше на Светското првенство во Русија 2018 година, а потоа ја освои Копа Америка во Бразил следната година.
Бразилците евангелисти сочинуваат околу една третина од бразилското население од 203 милиони.