Новиот дрес на германската фудбалска репрезентација предизвика голема бура бидејќи навивачите и новинарите го изразија своето незадоволство од неговиот изглед. Имено, Германците тврдат дека делови од него потсетуваат на нацизмот.
Специфичниот фонт на бројките и другите делови ги потсетија на ужасното минато.
Историчарот и археолог Мајкл Кениг на социјалните мрежи објави дека забележал како дресот со број 44 неодоливо потсетува на злосторничка и нацистичка СС дивизија од Втората светска војна.
„Од историска гледна точка, многу е дискутабилно дали треба да се дозволат вакви дресови за ЕП“, напишал Кениг.
Historisch gesehen sehr fragwürdig solche Trikots zur HeimEM zu ermöglichen @DFB @adidas pic.twitter.com/KE69jAyIQ9
— Michael König (@08MiKowitsch15) March 29, 2024
Германија ќе биде домаќин на Европското првенство, а ќе игра во групата А заедно со Унгарија, Шкотска и Швајцарија.
„Панцерите“ ги совладаа Франција (2:0) и Холандија (2:1) за време на последната репрезентативна пауза.