Српскиот тенисер Новак Ѓоковиќ го заврши својот неуспешен настап во Доха откако беше елиминиран во првото коло од Матео Беретини, а сега добива и закани од Италија.
Тенисерот пред почетокот на турнирот зборуваше за одлуката на антидопинг агенцијата да се договори со Јаник Синер и да го суспендира на само три месеци.
„Имаме ситуации кога некој како врвен играч кој може да си ги дозволи најдобрите адвокати и може да има пристап до ресурси, па така има поголеми шанси да постигне подобар исход од некој што го нема. Така функционира. WADA во своите правила наведува дека секој случај е различен, дека кога ќе се открие позитивен резултат од тестот, имате разумно време да се изјасните по тоа прашање, да го откриете изворот или позадината од каде потекнува. Синер го достави тоа за шест часа, поради што имаше подобар третман, додека други не успеаја. Не секој може да го направи тоа брзо“, рече Ѓоковиќ за случајот со Италијанецот.
Поради таа изјава тој на социјалните мрежи беше нападнат од италијански навивачи кои му упатија и сериозни закани.
Italian Jannik Sinner fans are threatening Novak Djokovic to harm him in Rome, they’re leaving very toxic comments under his last post on Instagram with Verdasco that has nothing to do with Sinner doping case.
I suggest @jelenadjokovic and @DjokerNole to takes legal actions. pic.twitter.com/brwGkpsKAb
— Tati (@cestlaviemacher) February 18, 2025
Во коментарите под фотографијата на Вердаско и Ѓоковиќ, го нарекуваат „мал човек“ и му велат „те чекаме во Рим, паметиме се што кажа, ќе бидеш „награден“ со вистинска мерка“ и слично.
Еден корисник на социјалните мрежи смета дека Новак и неговата сопруга Јелена треба да преземат правни мерки за да се заштитат од нападите.