Заменик-претседателот на рускиот Совет за безбедност, Дмитриј Медведев, го обвини германскиот канцелар Олаф Шолц дека лаже кога рече дека рускиот претседател Владимир Путин го забранил снабдувањето со гас во Европа.
-Германецот отворено лаже! Самите го прекинаа, се посрамотија пред својот народ поради омразата кон Русија, а сега лажат, напиша Медведев на социјалната мрежа Х.
Медведев со објавата, сподели и карикатура од Шолц, која најверојатно е создадена со вештачка интелигенција.
“It was Russia that stopped to supply Europe with energy, it was the Russian president who stopped gas delivery,” Scholz has said.
The German is lying through his teeth! They rejected it themselves, they screwed over their own people because of the hatred for Russia, and now… pic.twitter.com/1zX2ouvozZ
— Dmitry Medvedev (@MedvedevRussiaE) December 9, 2023
Претходно, Шолц, говорејќи на Конгресот на Социјалдемократската партија на Германија, рече дека цените на енергенсите „ насекаде пораснале“.
Тој тоа го оправда со фактот дека рускиот претседател Владимир Путин „ја запрел испораката на гас преку правилниот гасовод“.
-Вкупно во Европа недостасуваа 120 милијарди кубни метри гас, рече Шолц и додаде дека тоа има последици по цените.