Во недела, 16 февруари 2025 година, во емисијата „Хит твит“ на телевизија Пинк гостуваа српскиот претседател Александар Вучиќ, професорот на Правниот факултет д-р Владан Петров и наводните студенти Милош Павловиќ и Марина Станишиќ. Марина Станишиќ беше претставена како студентка на Технолошко-металуршкиот факултет на Универзитетот во Белград, но се покажа дека тоа не е така, пишува српска „Нова“.
Набргу по емитувањето на емисијата, Пленумот на Технолошко-металуршкиот факултет излезе со соопштение во кое се наведува дека Марина Станишиќ не е нивна студентка и дека воопшто не е запишана на Универзитетот во Белград во тековната академска година. Ова предизвика реакции во јавноста на социјалните мрежи, поради нов обид за измама и дезинформирање на народот од страна на властите.
Lažna studentkinja… pic.twitter.com/XHoFxjWjz9
— Bojan Andrejić (@andrejic_bojan) February 18, 2025
Соопштението од студентскиот пленум на Технолошко-металуршкиот факултет набрзо беше објавено на нивниот официјален Инстаграм профил.
„Студентското собрание на Технолошко-металуршкиот факултет на Универзитетот во Белград со ова јасно и недвосмислено се оградува од изјавите на Марина Станишиќ, која лажно се претставува како студентка на Универзитетот во Белград. Споменатата Марина Станишиќ ги започнала студиите на Факултетот за ликовни уметности во 2022 година, но не се запишала во учебната 2024/2025 година. Оттука, не е точно наводот дека Марина е студент и на Технолошко-металуршкиот и на Универзитетот во Белград“.
Дополнително, некои медиуми кога пишуваа за овој „студент“, исто така погрешно го именуваа факултетот нарекувајќи го Технолошко-метеоролошки факултет, кој секако не постои.
Во соопштението се споменува ова, но и доказите.
„Според пишувањата на медиумите, станува збор за студент од Технолошко-метеоролошкиот факултет. Лицето, исто така, погрешно било наведено како студент по „биохемија и биотехнологија“. Сметаме дека е голема навреда што не е точно наведено името на Технолошко-металуршкиот факултет, институција која годинава слави 100 години, а лица кои не се студенти на истиот погрешно се претставуваат“, додаваат оттаму.