Возачот на Мекларен, Ландо Норис, предвидува дека во сезоната во Формула 1 во 2025 година, меѓу победниците може да бидат и возачите од тимовите во средината на колоната. Оваа прогноза Британецот ја поткрепи со тоа што на крајот од минатата сезона со нив можеа да се борат тимовите кои беа уште позади топ 4 екипи.
Естебан Окон и Пјер Гасли донесоа двоен подиум за Алпин во тешките услови во Сао Паоло, а на одделни суви патеки Алпин, Хас и РБ можеа да се борат со најбрзите.
Launch night was ✨ special ✨#NeverStopRacing | #F175LIVE pic.twitter.com/8hxgUyvqtZ
— McLaren (@McLarenF1) February 19, 2025
„Очекувањата се секоја година правилата да не се менуваат, разликите да се намалуваат, битката да станува се понеизвесна, отсекогаш било така“, објасни Норис. „На крајот на минатата година, веќе беше доста неизвесно и другите шест тимови почнаа да нè стигнуваат и беа се поблиску и поблиску“.
You don't need to change much, you just need to go faster 🚀⁰⁰#NeverStopRacing | #F175LIVE pic.twitter.com/HILCxSLRKq
— McLaren (@McLarenF1) February 18, 2025
Затоа Норис очекува некои изненадувачки победници во претстојната сезона во Формула 1, која вклучува 24 тркачки викенди и вкупно 30 стартови.
„Мислам дека оваа година ќе имаме победници кои нема да возат за Мекларен, Ферари, Мерцедес или Ред Бул“, рече Норис. „Мислам дека ова е добро за Формула 1 и добро е за навивачите, добро е за целиот спорт. За жал, се ќе се промени за 2026 година, но сега очекувам добра и тешка сезона, нема да се бориме само против нашите вообичаени ривали. Оваа година ќе биде различно и интересно за гледање“.