Поранешниот играч за врска на Јувентус, Пол Погба уште еднаш на социјалните мрежи навести дека би можел по трет пат во кариерата да го облече дресот на Манчестер Јунајтед.
Французинот ги напушти „бјанконерите“ кон средината на ноември и оттогаш е без клуб, тренирајќи во Мајами, обидувајќи се да се врати во оптимална физичка форма. Тој ќе може повторно да игра во март откако неговата 4-годишна забрана за допинг беше намалена на 18 месеци.
Во понеделникот вечерта, Погба објави збунувачка карикатура на Инстаграм на која се гледа во дресот на Манчестер Јунајтед и еден од играчите со најдобри перформанси на „црвените ѓаволи“ во последно време – Амад Диало.
Набргу потоа Французинот прикачи нова фотографија со текст „Да видиме што е следно“.
🚨💭 Paul Pogba on Instagram: “Let’s see what’s coming…”.
He’s still available as free agent and officially allowed to play from March. pic.twitter.com/Y30P6uyu0S
— Fabrizio Romano (@FabrizioRomano) January 27, 2025
Погба првпат го напушти Јунајтед во 2012 година за да му се приклучи на Јуве како слободен играч, а потоа се врати на „Олд Трафорд“ во 2016 година за 89 милиони фунти. Шест години подоцна, тој повторно се приклучи на Јувентус како слободен агент.
31-годишниот светски шампион со Франција во својата фудбалска кариера има настапувано само за овие два клуба.