Легендарниот англиски напаѓач Вејн Руни бил фатен како уринира во јавност по ноќно излегување во Лондон.
Поранешниот капитен на Англија и напаѓач на Манчестер Јунајтед е виден како се потпира на ѕид и врши нужда во англиската престолнина.
Во полиција не е поднесена поплака за однесувањето на поранешниот фудбалер, но во британските медиуми се објавени фотографии на кои се гледа како Руни уринира во јавност.
Руни е насмеан на фотографиите и во друштво на пријатели кои го тапкаат по рамо.
Патем, ова не е првпат Руни да се соочи со јавно мокрење бидејќи идентичен прекршок извршил во 2013 година кога не се соочил со кривично гонење бидејќи ниту еден сведок не го пријавил.
Wayne Rooney risks on the spot fine as he's caught urinating in public during night out in London https://t.co/naFQsw7Egr
— Daily Mail Online (@MailOnline) March 30, 2025
Да додадеме дека според британскиот закон, лицата кои уринираат на јавно место можат да се соочат со кривично гонење само доколку бидат фатени на дело од полицијата или доколку биде поднесена пријава.
Уринирањето на јавно место може да доведе до парични казни, па се очекува легендарниот Англичанец да биде казнет согласно законите во Обединетото Кралство.
Да додадеме дека Руни по завршувањето на играчката кариера се испроба и во тренерската кариера, но ја напушти клупата на Плимут Аргајл.
Тој претходно работеше како тренер во Бирмингем, Дерби Каунти и Д.С. Јунајтед.
Помина голем дел од својата играчка кариера во Манчестер Јунајтед, каде што играше од 2004 до 2017 година, а играше и за неговиот матичен клуб Евертон, Д.Ц. Јунајтед и Дерби Каунти.