Украина изврши голем напад на аеродром лоциран на околу 200 километри во внатрешноста на Русија, пишува „The War Zone“, која објави и сателитски снимки на кои се гледаат оштетени руски авиони.
Се тврди дека операцијата била извршена со масовен напад со дронови.
Украинските одбранбени разузнавачки единици употребија најмалку 70 беспилотни летала за да ја нападнат базата во четвртокот, изјави украинскиот генерал-полковник Кирил Буданов, шеф на Главната управа за разузнавање на Министерството за одбрана.
Аеродромот, кој се наоѓа во Ростовската област, е дом на десетици ловци-бомбардери СУ-34. Иако се чини дека нападот направил одредена штета, сè уште не е јасно колку бил успешен.
Two Russian Air Force Su-34 fighter-bombers were damaged in a light shelter. The extent of the damage is unclear, but I assume they will not be flying anytime soon, if at all. The right Planet Labs image is also from 14 June but taken several hours later (posted by Radio Svoboda) pic.twitter.com/RLV3C4aqet
— The Military Watch (@MarcinRogowsk14) June 14, 2024
Според сателитски снимки може да се заклучи дека се оштетени неколку авиони. Еден хангар беше главната украинска цел.
Руски извори го признаа нападот, но беа различни во нивните оценки.
Некои тврдат дека ниту едно летало не е оштетено, други дека повеќето од беспилотните летала биле соборени пред да стигнат до целта, додека други наведуваат дека некои успеале да се пробијат и дека шест пилоти загинале, а десет војници се ранети.
Last night, there were reports of a drone attack on Russian Morozovsk air base in Russian media.
Satellite results of the attack appeared. They are very impressive. pic.twitter.com/IDZO6xT3s1
— Anton Gerashchenko (@Gerashchenko_en) June 14, 2024
Во меѓувреме, Буданов рече дека проценката на штетите е во тек.
– Чекаме информации дали некој авион е уништен или оштетен – рече тој.
Украински безбедносен извор изјавил, според „Скај њуз“, дека украинските „прецизни удари“ биле насочени кон авиони СУ-34 и „лизгачки бомби“ на аеродромот.
– Целите беа погодени за да се намали способноста на Русија да изведува воздушни напади во регионот Харков – изјави изворот кој сакаше да остане анонимен.