Полицијата во Мароко заплени речиси 1,5 тони кокаин пронајден во кутии со банани во контејнер за транспорт. Дрогата била во брод кој патувал од Јужна Америка за Турција.
Запленувањето е извршено во пристаништето Тангер во северниот дел на Мароко.
Акцијата е спроведена во координација со шпанските безбедносни служби, соопшти мароканската полиција, истакнувајќи дека истрагата е во тек.
#مكافحة_تهريب_المخدرات
ميناء طنجة المتوسط.. إجهاض عملية للتهريب الدولي للمخدرات القوية وحجز أزيد من طن واحد و488 كلغ من مخدر الكوكايين. pic.twitter.com/HEwHEtxMen— DGSN MAROC (@DGSN_MAROC) January 2, 2024
Мароканските власти се сомневаат дека кокаинот бил шверцуван како дел од меѓународна операција за шверц на дрога.
Оваа заплена се случи само еден ден откако беа запленети речиси 363 килограми кокаин во камион кој се обидел да влезе во Мароко преку границата со Мавританија.
Оваа северноафриканска земја се наоѓа како клучна рута за шверц на дрога од Јужна Америка до Европа.