Украинскиот претседател Володимир Зеленски го посети североисточниот сектор на линијата на фронтот каде што се сретна со војниците кои се борат против инвазивните руски сили, објави неговиот кабинет, пренесува „Ројтерс“.
Зеленски го посети командното место на бригадата која го брани Купјанск, град кој е цел на засилени руски напади од средината на есента.
Градот беше ослободен од украинските сили во 2022 година по првичната окупација од страна на руските трупи по инвазијата на 24 февруари истата година.
Киев вели дека Москва не се откажала од идејата да ја врати контролата врз Купјанск, кој е во близина на вториот по големина град во Украина, Харков.
⚡️ Zelensky visits front-line troops in Kupiansk sector.
President Volodymyr Zelensky visited the battalion command post of the 14th Separate Mechanized Brigade, which is engaged in the Kupiansk sector, the Presidential Office said on Feb. 19.
📷 Presidential Office pic.twitter.com/NdNO7V3V1m
— The Kyiv Independent (@KyivIndependent) February 19, 2024
За време на посетата Зеленски разговарал со командантот на бригадата за набавка на опрема и муниција во секторот. Тој им додели и награди на ветераните, соопштија од неговиот кабинет.
По неуспешната украинска контраофанзива во 2023 година, руските трупи ја засилија својата офанзива долж линијата на источниот фронт.
Украина во текот на викендот објави дека ги повлекла своите војници од разурнатиот источен град Авдијевка за да избегне повеќе жртви. Заземањето на Авдијивка ја означи најголемата победа на Русија на бојното поле од заземањето на Бахмут во мај 2023 година.