Дејвид и Викторија Бекам ја слават својата 26-годишнина од бракот, а во оваа пригода, поранешниот фудбалер сподели серија фотографии од нив низ годините, заедно со честитка до својата сопруга.
Бекамови се еден од најдолготрајните познати парови во светот, а откако се запознаа во 1996 година, рекоа дека било љубов на прв поглед и се венчаа три години подоцна.
Споделувајќи фотографии од нив заедно низ годините, Дејвид рече: „Денес се навршуваат 26 години откако ми рече „Да“. Среќна годишнина и ти благодарам што ми ги даде нашите прекрасни деца и што го изгради животот што го имаме заедно“.
„Те сакам госпоѓо Бекам“, рече тој.
Во 2016 година, Викторија разговараше со британскиот Вог за првиот пат кога го виде Дејвид и како тоа било „љубов на прв поглед“.
„И да, постои љубов на прв поглед. Ќе ви се случи во салонот за играчи на Манчестер Јунајтед – иако малку ќе се напиете, па точните детали се нејасни“, рече таа во тоа време.
Викторија Адамс и Дејвид Бекам се запознале во 1996 година, во време кога Викторија уживаше голема слава со другите членови на британскиот бенд Spice Girls. Дејвид потоа имаше успешна фудбалска кариера како играч на Манчестер Јунајтед, Реал Мадрид, Л.А. Галакси, Милан и ПСЖ.