Фудбалерот на Галатасарај, Виктор Осимен изјави дека планира да тужи турски новинар по обвинувањата дека физички го нападнал за време на расправија.
Новинарот на „Поста“, Толга Боздуман го обвини Осимен дека го нападнал минатата недела по ремито 3-3 против Динамо Киев.
Новинарот рече дека Осимен го нападнал и го удрил пред ноќен клуб додека се фотографирал со други колеги.
Victor Osimhen, dün gece gittiği eğlence mekanı çıkışında fotoğrafını çekmek isteyen habercileri görünce çıldırdı. Hem fiziksel hem sözlü saldırıda bulunan Osimhen, tehditler yağdırdı ve Posta Gazetesi muhabiri Tolga Bozduman'a yumruk attı. (Posta)
Tolga Bozduman: "Üç… pic.twitter.com/h2ESkUkBWZ
— Deportes Reports (@DeportesReports) January 23, 2025
„Штом се појавија блесоците, тој почна да вика и трча кон мене. Се обиде да ја фати камерата, но јас ја држев, а потоа ме удри со тупаница во главата. Десната страна од главата сè уште ме боли“, рекол Буздман, цитиран од ESPN.
Тој додаде дека Осимхен наводно му понудил пари за да ги избрише фотографиите, а кога новинарот одбил, 26-годишниот фудбалер наводно почнал да му се заканува велејќи дека „ќе го уништи доколку се објават фотографиите“.
Нигерискиот фудбалер ги негираше обвинувањата, велејќи дека инцидентот се случил пред ресторан што го посетил со неколку пријатели, меѓу кои и сонародникот Кенет Омеруо.
Осимен негираше дека го удрил новинарот, но признал дека побарал од него да ги избрише сликите.
„Никогаш не го удрив тој човек, не го удрив, отидов кај него и му реков да ги избрише сликите. Тоа е моја слика, имам право да му кажам да ги избрише“, рече Осимен.
Неговата приказна ја потврди и Омеруо.
„Секако дека не го допре. „Бев таму“, изјави тој.
Осимен, кој оваа сезона за Галатасарај постигна 16 гола и имаше пет асистенции, посочи дека ќе го тужи новинарот.
„Ова не е новост за мене. Знаев дека ќе лажат, лажат и лажат. Се работи за насилство, а тој излажа. Се разбира, нема да биде лесно. Не морам да викам, но ќе ги преземам неопходните чекори за да се осигурам. Ако го удрам, ќе ја добие правдата. Ако лажел, тогаш ќе го види гневот на законот“, рече Осимен.