Како и нејзината колешка Бела Хадид, Ирина Шајк стана појава која тешко може да се одмине на црвениот тепих во Кан.
Руската убавица повторно привлече внимание со својот изглед – овој пат на премиерата на филмот „Досие 137“ во кој глуми Дајан Кругер.
Додека германската актерка играше на старата карта на холивудскиот гламур, 39-годишната Шајк даде вамп изглед во луксузен фустан од дизајнерот Ели Сааб.
Ирина со леснотија го носеше овој смел, но софистициран пердувест изглед на црвениот тепих, издвојувајќи се меѓу многуте глобални ѕвезди кои се собраа на овој престижен настан.
Покрај фустанот на либанскиот дизајнер, ѝ помогна и скап накит од брендот Марли, како и додавањето на драматични, оперски ракавици од тил кои стигнуваа сè до нејзините рамена.
Гламурозниот сегмент од нејзиното ново издание на црвениот тепих не беше помалку интересен. Шминката со црвен кармин беше придружена со фризура во wet-look облик, која го нагласи драматичниот впечаток што познатата Русинка се потруди да го остави на премиерата на филмот „Досие 137“.