Холивудската актерка неодамна откри дека често се буди во солзи, бидејќи помислата на смртта ја вознемирува. Во интервју за магазинот „GQ“, Никол Кидман изјавила дека во педесеттите ја погодиле некои работи за кои досега не размислувала.
„Смртност и поврзаност. Животот доаѓа и те удира. Губењето родители, одгледувањето деца, бракот и сите други работи ме прават исклучително емотивна личност. Таков е животот. Животот е дефинитивно патување и тоа влијае на вас како што стареете. Тоа се оние будења во три часот наутро, кога плачете и дишете длабоко“, рече таа.
Потоа размислувала за родителството и колку таа улога ја променила.
Nicole Kidman is the latest cover star of British GQ magazine's Men of the Year 2024.
Four decades into her career, the Oscar-winning actress has become the most reliable creator of prestige TV hits.
📸: Felix Cooper
{https://t.co/e2SueCFYnl} pic.twitter.com/pVuPJtlOgc
— nicole kidman daily (@dailykidman) November 18, 2024
„Постои овој аспект на смртноста со кој е тешко да се справиме. Кога воспитувате деца, велите: „Морам да останам жив. Сакам да го видам сето ова“. Многу е тешко, но во исто време прекрасно и извонредно“, додаде таа.
На крајот актерката се присетила на својата мајка која и значеше многу во животот.
„На некој начин таа беше мојот компас. Беше како да ја изгубив таа поддршка, но во исто време си помислив: „Во ред, тогаш ова е за неа.“ Она што таа го сакаше за мојата сестра и мене беше да пораснеме во жени кои можат да го изразат нашето мислење и имаат можности, особено оние кои таа самата ги немала во својата генерација. Таа ќе беше покрај мене низ сите подеми и падови, низ сето тоа. Нејзината улога беше движечка сила во текот на мојот живот. Посакувам таа да го види овој дел. Беше многу возбудена за филмот „Babygirl“ и серијата „Perfect Couple“, но не доживеа ниту еден од тие проекти“, изјави таа.