Поддржувачите на американскиот претседател Доналд Трамп, кои се и љубители на Jeep Gladiator, сега имаат можност да купат необичен примерок.
Станува збор за моделот Apocalypse Hellfire 6×6, креација на американската компанија Apocalypse Manufacturing врз основа на Jeep Gladiator, произведен во 2023 година и носи специјална боја во комбинација на црвена, бела и сина боја. Идејата беше да се поддржат 45-от и 47-от американски претседател Доналд Трамп, чие презиме стои на профилот на возилото. Уникатниот Jeep го продава SoFlo Customs.
За да го претвори Gladiator во возило 6×6, тимот на Apocalypse постави трета оска и избра специјални бандажи со гуми од 40 инчи. Промените се видливи и напред, каде има нови светла и решетка на ладилникот, како и карактеристични панели.
Направени се и неколку промени во внатрешноста, вклучително и светло сина нишка за контраст. Посебна зашиена значка, која прикажува облак од нуклеарна експлозија, се наоѓа на воланот.
Овој брутален Hellfire 6×6 е придвижуван од 3.0-литарски V6 турбо дизел мотор поврзан со автоматски менувач, а цената е 157.000 долари.